Renungan Harian Rabu 02 Desesmber 2015

2 Kronika 14 : 10b
Sai tolongi ma hami, ale Jahowa, Debatanami, ai tu Ho do hami marpangatauan.

Mansai uli situtu do haimbaruon, alai haimbaruon i mansai arga jalagodang do alo ni haimbaruon. Songoni do raja Asa, napatupahon haimbaruon. Tarlumobi ma haimbaruon ni haporseaon nang ngolu parugamoon. Boi do tong haimbaruon i gabe mambahen jolma madabu tubagasan ginjang ni roha, jala gabe didok do siala ni pambahenanna ma umbahen uli, dohot angka na asing. Gabe marpangusandean tu jolma do ujungna raja Asa, ima raja sian Aram. gabe ditadinghon do Debata. Na marsahit pe ibana, ndada tu Tuhan i be ro, alai nunga be gabe tu angka tabib.

Hamu angka dongan, jotjot do ngolu ni hakristenonta ndang konsisten. Ditingki tabo parngoluon, sai hira na jonok hian do Tuhan i. Alai di tingki susa, manang adong sitaonon, sai talului do cara pintas asa hatop malua sian i. Lupa do hita di Tuhan i, gabe hagogoon ni na asing do tapangasahon di ngolunta on. Hape holan Debata do par-pangautan (tempat bersandar).

Unang lomos, tatiop ma gomos ojahan ni hakristenonta. unang meoleol, unang mubauba. alai hot ma. ai hot do Debata ta i ro di salelenglelengna.

Renungan Harian Selasa 01 Desember 2015

Jesaya 53 : 5
Hape ala ni pangalaosinta Ibana tartullang, binahen ni hajahatonta Ibana mabugang. Ampe tu Ibana pinsangpinsang parhitean ni hasonanganta, jala binahen ni bugangNa malum itahilala.

Tung mansai singkop do ate baga-baga taringot tu Jesus na gabe jolma. hasingkopon, mulai sian na gabegabean si Maria sahat tu na manaek Jesus tu surgo. Ngolu padan na robi pe nunga mangokuhon na ingkon masa ma i, marhite angka panurirang ni Debata.
Ndada na mangolu ngolunta on molo so adong do parungkilon di hita. Sai na adong do tingkina di ngolunta on manaon na hansit, marhabot ni roha, jala marsak. boi do muse i gabe mampanghorhon dibagasan ngolunta, jala gabe maol do hita hidup normal hinorhon ni angka na masa i. Sai unang ma gabe tu dosa hita hinorhon ni i, unang ma gabe tubagasan hajahaton. Ai arga do hita ditobus Debata marhite Jesus Kristus, nunga mate Jesus laho manobus dosa ta nang hajahatonta, marhite bugang na mambahen hita gabe sonang. Boha, tahangoluhon do bugang ni Jesus i? manang na masipaula dope ngolunta on sahat tu tingkion? molo pe ragam angka na masa i, hot ma di Jesus naung mabugang i asa sonang hita sahat ro di salelenglelengna.

Renungan Harian Senin 30 Nov 2015

Jesaya 54 : 8
Tagan di parpiar ni murukKu Hutabunihon bohingKu satonglin maradophon ho, alai marhitehite denggab basa salelenglelengna asianKu ho, ninna Jahowa sipalua ho.

Molo tapaihut sian ayat sada digombarhon do bangso u songon sahalak oroan na ditadinghon pardihutana. Gabe manaon haporsuhon do marhite na so gabean be oroan i. Songon i do ngolu ni bangso i molo ditadinghon Debata, porsuk ma jala ndang be gabe.

Satongkin do muruk ni Debata siala ni holongNa. Alai nda dumenggan ma nian unang sanga muruk Debata?

Unang ma hurang topet pangantusion ta nian di ayat on, gabe sai mulakulak hita gabe mangulahon na so denggan jala manundalhon Debata. Parasiroha do Debata, tatomu ma asi ni roha na i gabe sadalan hita dohot Debata, nda na so tupa be ditabunihon bohiNa dompak hita, ai ro di salelenglelengna do asi ni rohaNa.

Renungan harian Sabtu 28 Nov 2015

Jesaya 66 : 2
Nda jadijadian ni tanganKu sandiri do angka on sasudena, ujy na Hujadihon sasudenai, ninna Jahowa. Alai uhut do Ahu marpanatap tu halak na dangol jala na bojok martondi, jala manonditondit mida hatangKu.

Ngolu parsombaon na so tung sian roha on do naniida ni panurirang Jesaya. Siala ni i do naeng do tangkas panandaion ni bangso i di Debata. Ndada formalitas manang tama berengon ngolu parugamoon. Alai ingkon tangkas tarida panindangion di Debata na jumadihon saluhut. Hutanda Debata ninna, hape sai tong dope mangulahon angka na jat. Ndang saurdot be nuaengon ngolu parugamoon dohot ngolu siganup ari. Nunga sai hira kebiasaan rutin be ngolu parhuriaon i. Ala ni aha do ate?

Molo pe ditaringoti halak na dangol, sotung do sai menghindar hita sian pardangolon gabe mambahen hita mangalului huaso na asing laho padaohon hita sian hadangolon i. Hape, marpanatap do Debata di halak na dangol, asalma bojok martondi jala manonditondit (gentar) mida hata ni Debata. On do ra panandaion na tangkas di Debata, asa sai tongtong marpanatap Debata di sandok panggulmiton ni ngolu. Saurdot ma panandaion i dohot pangalaho.

Renungan Harian Jumat 27 November 2015

Jakobus 5 : 13
Molo adong ditongatonga muna na tumaon na porsuk, martangiang ma ibana; molo adong mar las ni roha, marende ma ibana.

Mangolu di bagasan tangiang, ido na gabe ondolan ni bindu 5 di surat Jakobus. Dibagasan tangiang boi do hita marsiajar paimahon jala mangarohahon balga ni pambahenan ni Debata dibagasan ngolunta. Naeng do ganup tangiang i dibagasan haporseaon, ai ditanda Debata do ise hita jala diboto do dia na dumenggan dibagasan ngolunta. tarlumobi ma molo masa haporsuhon naeng ma martangiang dibagasan haporseaon. sai na apulan jala pargogoihonon ni Debata do hita. didok di Rom 12 : 12, Marlasniroha dibagasan panghirimon, benget ma di hasusaan jala dijugulhon ma martangiang. Ende pe boi do gabe sada tangiang i di hita, molo talapati ayat on, las ni roha nang na porsuk pe sai tu Debata ma tartuju haporseaonta. ai holan Debata do na tuk mangalehon na dumenggan dibagasan ngolunta.

Renungan Harian Kamis 26 Nov. 2015

Psalm 135 : 14
Ai luluhonon ni Jahowa do sogot bangsoNa i, jala marpangulahi do sogot rohaNa mida angka naposoNa i.

Saonarion nunga ragam be angka debata sileban na pinardebatahon ni jolma. Arta, jabatan, dohot angka hinauli ni portibi on. Nabadi jala na sun gogo do Debata ta i. Ndada dia gogo ni debata sileban marimbanghon gogoNa.
Tahatondanghon do na inakhon, naposo, jala parhobas ni Debata hita. Boha targoar do hita naposoNa, molo mardua roha dope hita tu debata sileban?
1. Luluhonon ni Jahowa do sogot bangsoNa.
Borat do mangolu haporseaonta di ragam ni haulion ni portibion. Jala ndada targoar hita bangso ni Debata molo mardua roha hita. Hape luluhonon (memberi keadilan) do bangsoNa. Atik pe sipata merasa hita sai hira na so adil do portibion, ndang i mambahen hita gabe dang bangso ni Debata.
2. Marpangulahi do sogot rohaNa.
Tabo na i ate na gabe naposo ni Debata, na sai mangulahon parentaNa. Ai holong do rohaNa, jala sai tongtong ma diiring ngolunta. Unang ditadinghon Debata asa targoar hita naposoNa. Huhut ma taulahon angka lomo ni rohaNa i. Asa gabe parjambar hita di holong ni roha ni Debata.

Horas, selamat manongtong gabe naposo dohot bangso ni Debata, unang mardua roha.

Renungan Harian Rabu, 25 Nov. 2015

Renungan Harian Selasa 24 Nov. 2015

Psalm 14 : 3
Hape tung saluhut do nasida sumurut, tung sange do nasida marroha mago, ndang adong sibahen na denggan, nanggo sahalak.

Pangantusion ni halak na targoar "atheisme" ndang adong Debata, jala laos godang do na marpangantusion soisongoni. Ndang hal na imbaru be anggo pangantusion i. Turpuk on hira-hira taon 1000 SM. Jala dipatuduhon do taringot tu namarpangantusion sisongoni na so porsea adong Debata.
Sotung do ate, godang nuaeng on hakristenon ta na atheis. Didok Kristen alai ndang dihaporseai Debata. Sai portibion dope di ihuthon. Sungkun-sungkun do roha, na songon dia do nuaeng panghaporseaionta di Tuhan i. Ringgas marminggu, ringgas marpunguan, alai salpu i sai dosa do dipaula. Nunga dosa i be dihangoluhon. Ndang Jesus silehon haluaon i be.
Nunga sahat hita di ujung ni taon parhuriaon, na mandungoi hita na martingki do hita di portibion. Namanompang do hita, jala adong do ujungna hita di portibion. Alai ndada i ujung ni saluhut! Ngolu sogot si saleleng ni lelengna nanaeng sipareahanta.
Sotung do hot hakristenon atheis i dihita, gabe ndang parjambar hita dihangoluan si saleleng ni lelena, inganan parjumpaan ni angka na porsea. Binsan dilehon dope tingki, MUBAMA, dungo ma hita, hobas jala managam ma di bagasan Kristus i.
Mengikut Yesus Keputusanku, ku tak ingkar!

Renungan Harian Senin 23 Nov. 2015

Poda 16 : 32
Tagonan do halak na lambat tarrimas sian ulubalang, jala halak na mangarajai dirina, umbalga do i sian na papatu roha.

Lambat tarrimas (sabar) dohot mangarajai diri, on ma deba sian angka parbue ni Tondi dibagasan dirinta. Dibahen di ayat on sai hira suhat-suhat manang perbandingan. Hinaringkot ni na palambas roha, dohot na mangarajai roha. Niuji ma mangida turpuk on di masa di sahalak jolma.

Adong sahalak ulubalang, alai diujungna ndang boi lambat tarrimas. Nang songoni adong si papatu huta alai ndang boi mangarajai dirina. On ma nagabe pengorbanan na siasia. On ma namadabu tu bagasan gila hormat, on ma na madabu tu bagasan sai naeng sangap. Ai nang boha kan nunga berkorban au. Hape nian martua ma na manahan. Ndang siingot-ingoton angka ulaon nadenggan na tapatupa, asa unang madabu tu bagasan ginjang ni roha. Jala ginjang ni roha on ma na mambahen ndang boi tarajai diri.

Narumingkot, ndang marparbue Tondi i, hinorhon ni tondi na asing na mangarajai rohanta. Alani ima, marhite ayat on, tarajai ma dirinta huhut ma lambat tarrimas, asa gabe Pahlawan sesungguhnya hita.

Selamat menjadi pahlawan-pahlawan rohani yang berdasar kepada buah Roh dalam hidup kita.

KHOTBAH PRAESES HKBP DISTRIK XXV JAMBI DI HKBP PINANG MERAH

Lukas 12 : 35 - 43
Tarimangi ma acara naung taihuthon. Luar biasa manogu partondion ta. Molo tabege na monding sian hurianta. Goar ni ise ma sian hita on taon na ro jahaon na? Ndang taboto, ido bainna didok dungo ma. Tu si do hita dijou paboa naeng tadinghononta portibion. Alai parjambar di hangouan. Binsan mangolu, gabe ngolu namarpanindangion. Dungo ma hamu, ai dang taboto harorona.
1. Binsan mangolu unang be sai holan tu arta pingkiranta. Nunga sae be i, marpanindangion ma. Nunga taparade nuaeng tu generasi ke 5. Didok do asa tapapungu arta na so niallang ni tasik dohot ngitngit. Napabungahon hepeng i pa so ma. Jesus donganna, andigan pe muba? Nga sae be i, angka na tinggal dok ma di ho ma i. Asa Tarpasupau, andorang so dijahahon di taon na ro. Antong aha ma sibahenon? "Santabi jabu on", "santabi borngin" on ma gombaran ni namardua roha! Hadirion ni jolma do i. Gabe hasomalan alai ndang diboto lapatanna. Magodanghu begunta. Nunga sae be i. Nuaeng naeng parsaoran tu Debata tu na sonang situtu, songon ende ni Punguan Ina sian HKBP Margoyoso. Inna ingkon dungo, ingkon siap. Unang be ditorushon na marsalisih, na marsihosoman, nga sae be i. Godang nuaeng sahuria, rap marminggu, rap manghatindanghon haporseaon hape marsalisih. Unang tarlalap dibaen portibion, binsan mangolu gabe marpanondangion ngolunta. Jotjot suhar do pambahenan ni dongan tu hita. Unang pintor marsak hita jala dipahatahon tu na asing. Unang pintor suhar jala negatif thinking. Sadihari do halashononta dongan? Halak do manuhor AC jolma na ngalian. Na so dung tubu di roha ni jolma ido diparade Debata di angka namanghabiari Ibana. Mandok hata pe denggan2 ma. Denggan do.maksudta, alai adong marhancit ni roha. Bahasa mungkin di rohanta denggan di roha ni halak daong. Na so boi mangarajai dila, tumagon ibana di rante. Hatanta gabe pasu2 jala gabe panindangion. Ido na dungo jala.na hobas. Pature ma parsaoran na denggan dohot Debata. Girgir ma manaringoti hata ni Debata. Gabe pasupasu ma hita, denggan ma ianakhon tahobasi, unang sai marlarian ianakhonta i.
2.Marolopolop ma Tondinta dipaingot Minggunta hita, hita pe na ingkon mate do. Binsan mangolu hita mari marpanindangion ma hita.
3. Songoni nang pesta ta saonari, tanikmati do panindangion ni naparjolo tanikmati saonari, ria ma.hita marpanindangion marhite pesta on, sinikmatan ni ianakhonta di tingki na mangihut.
Amen. Selamat berpesta gotilon.

Renungan Harian Sabtu 21 Nov 2015

Epesus 5 : 19
Hatahon hamu ma sama hamh angka ende Psalmen, angka ende pujipujian, dohot ende partondion: Endehon jala puji hamu ma Tuhan i dibagasan rohamuna.

Gombarab ni halak na gok Tondi ima na dipatuduhon marhite na sai tongtong dibagasan las ni roha dibagasan Tuhan. Somalna molo las roha boi do pinatuduhon marhite ende. Alai boha do las ni rohanta? Dibagasan Tuhan i do manang na daong? Laos tarida do nang angka panghataion namardonganhon ende psalmen, ende pujian dohot ende partondion (bertentangan dohot tradisi hajahudion bah.Indonesia: berkata-kata. Molo didok berkata-kata marhadomuan do on tu ulaon mistis manang haportibion). On ma nanaeng dohonon tu hita, unang ma marumanghon portibion saluhut las ni rohanta, alai naeng ma dibagasan Tuhan i.

Las ni roha siala naung gok Tondi hita tarida do sian dua hal:
1. Roha parduru na sai manghatahon nauli na denggan jala dibagasan Tuhan.
2.Roha parbagasan na sai tongtong mamuji pasangap Tuhan i.

Nda tandi ma halak Kristen nian di portibion?
Donganta ma Debata.

Renungan Harian, Jumat 20 November 2015

Hesekiel 36 : 8 - 9

Alai anggo hamu, ale angka dolok Israel, ingkon mangulahi martumbur hamu, jala marparbue hamu di bangsongKu Israel, ai nunga pola jumonok nasida ro. Ai ida ma, marpangulahi rohangku manatap hamu, asa paulion hamu muse jala saburon. 

Ndang hea dipamingkirion ni halak Juda na gabe pasi-pasi nama tano naniuarihon ni Debata. ndang hea pola sahat tusi dirimangi nasida, hape bangso na pinillit ni Debata nunga diluntak jala disiaphon angka bangso na asing na so mananda Debata. Pangantusion hatiha i, molo talu do bangso ni Debata, marlapatan do i na gumugo debata ni halak Babel unangkon Debata. di situasi sisongoni do si Hesekiel on pasahathon tona ni Debata na mangalehon panghirimon di bangsoNa.

Dolok-dolok naung tarida na so adong be hangoluan dipasu-pasu Debata jala mulak mangolu muse. Debata naung manundalhon bangso i mulak muse patuduhon holong dohot asi ni rohaNa. dipapungu Debata muse angka pasi-pasi (reruntuhan) naung marrarakan gabe imbaru ma muse. Uli do sangkap ni Debata i dingolu ni jolma i. Dilehon las ni ari, udan nang nambur laho pangoluhon angka boni ni tano i. ndang manang na piga na boi hita mangalewati proses namuba-uba i. Sai holan natabo di hita do nataharingkothon. Ndang taida sangkap ni Debata ni ngolunta na hirim asa martumbur jala sahat tu na marparbue atik pe godang do abat-abat di bagasan pardalanan ni ngolunta. Alai taingot ma, ndada hea mansohot asi ni roha ni Debata. Unang ma taunjuni rimasna asa unang ditundalhon hita. Asa unang dilean Sibolis i laho mansiaphon pardalanan ni ngolunta. Marpangilahi do roha ni Debata, alai taingotma Debata parrimas do nang Debata ta. Selamat bertumbuh dan Berbuah di dalam proses yang berubah-ubah baik suka maupun duka. Tuhanta mandongani hita. 

PESTA HURIA HKBP MARGOYOSO 2015

Suasana Pagi sebelum ibadah

        Terpujilah Allah yang didalam Yesus Kristus dipermuliakan, dalam sukacita Pesta Huria HKBP Margoyoso Ressort Bangko Distrik XXV Jambi yang diadakan pada tanggal 3 - 4 Oktober 2015. Kegiatan sukacita atas segala berkat Tuhan di rayakan pada pesta huria yang sudah terprogram dalam program HKBP Margoyoso tahun 2015. Kegiatan yang berlangsung selama dua hari dimana pada hari Sabtu 3 Oktober 2015 kegiatan diawali dengan PA, yang langsung dibawakan oleh Praeses HKBP Distrik XXV Jambi. Dalam PA jemaat diajak berdiskusi tentang kemelut dan juga semakin banyaknya keluarga Kristen yang membutuhkan bantuan rohani. banyak yang jatuh ke pandelean karena perilaku anak, ekonomi, serta kedaan kabut asap yag sudah sangat mengancam kehidupan. PA ini mengharapkan jemaat agar tidak terlena dalam persoalan hidup tetapi tetap bangkit dan semangat untuk melakukan perbuatan baik dan juga membantu orang yang seharusnya dibantu. Sama seperti Musa dalam nas PA yang dengan semangat dibawakan oleh Pdt. M. Hutabarat. disela-sela PA Jemaat juga di ajak untuk tertawa dengan cerita-cerita yang disampaikan oleh PENMANURAT ini yang kita kenal dengan bukunya Barita Mardongan Poda; Engkel na marimpola. secara khusus PA ini juga mendoakan kondisi cuaca jami yang kemarau berkepanjangan yang mengakibatkan asap begitu pekat. Seusai PA Praeses menyempatkan diri berdiskusi dengan Parhalado tentang perkembangan pelayanan gereja dan juga harapan-harapan ke depan untuk semakin mengembangkan pelayanan demi kematangan iman jemaatnya. hadir juga Pdt. Ressort, Pdt. Sabar Siagian, S.Th. dalam kegiatan PA. Kesempatan ini dipakai Praeses untuk berdiskusi dengan para Sintua di Rumah Dinas HKBP Margoyoso yang tidak diduga Praeses sudah jadi, dimana tahun lalu Praeses lah yang meletakkan batu pertama pembangunan Rumah Dinas HKBP Margoyoso. 

       Sukacita pesta semakin terlihat di hari Minggu 4 Oktober 2015 melalui kebaktian Minggu. Ibadah diawali dengan prosesi dari Rumah St. A. Simatupang. tampil dalam barisan Prosesi, Praeses bersama dengan inang, Pdt. Ressort bersama inang, Uluan ni huria bersama dengan inang, dan seluruh sintua. barisan prosesi disambut dengan pengalungan bunga kepada Praeses dan juga pemberian bunga pangku kepada inang praeses. 

kiri-kanan: St.A.Simatupang, Pdt.S.Siagian, Pdt.M.Hutabarat, C.Pdt.G.Pasaribu

Sebelum memasuki ruang ibadah, terlebih dulu diadakan penandatanganan Prasati Rumah Dinas oleh Praeses. Rmah dinas yang sudah ditempati oleh Pimpinan Jemaat bersama keluarga.

Penandatanganan Prasasti Rumah Dinas

Setelah penandatanganan Prosesi memasuki gereja dan akan melanjutkan dengan ibadah. Dimana yang melayani ibadah, Praeses sebagai Pengkhotbah, Pdt. Ressort sebagai Liturgis 1, dan St. A. Simatupang sebagai Liturgis 2. Kebaktian ini dihadiri oleh Punguan Ama HKBP Pinang Merah dan Koor gabungan HKBP Pinang Merah yang turut mempersembahkan lagu pujian. Dalam khotbahnya praeses menekankan bahwa rumah tangga Kristen selalu ditolong Tuhan. Demikianlah manusia diberi penolong, pasangan hidup. Oleh karena itu sangat penting menjaga pertolongan Tuhan. Lanjut Praeses, sekarang ini dosa itu sudah manis, tonggi do dosa di angka parjahat. Ndang be sada tihas hadosaon. Songoni nang di ngolu ni parrumahtanggaon, ndang badia be, ndang tihas be, ndang hira dosa be yang akhirnya mempermainkan rumah tangga yang didirikan oleh Tuhan. Apapun ceritanya, yang dipersatukan oleh Allah tidak dapat diceraikan manusia. tidak lupa dengan ciri khas khotbahnya yang membuat jemaat menikmatinya melalui selingan tawa melalui cerita. 

Seusai khotbah maka tiba saatnya bagi kaum ibu untuk mempersembahkan parbue pir (beras) yang dibawa di dalam tandok sambil manortor. Tampak ibu-ibu begitu semangat menjungjung beras dengan tandok yang lumayan besar. kemudian dilanjut dengan menyampaikan silua dari tiap-tiap Lingkungan.

Acara ini dirangkai dengan Lelang, makan bersama, manortor dan pemberian ulos kepada beberapa jemaat dan tamu yang hadir. Hadir dalam perayaan ini, Kapolsek Pamenang AKP J. Sihombing beberapa personel Posek Tabir, Polsek Pamenang hadir juga beberapa anak Rantau jemaat beserta beberapa Undangan pribadi. Acara diakhiri dengan Laporan Panitia yang disambut tepuk tangan jemaat karena hasil pesta melebihi target yang diharapkan. Kepanitiaan diisi dengan Ketua: St. B. Sitinjak, Sekretaris; St. T. Simanjuntak; bendahara : Ny. B. Sitorus br. Nainggolan dan beberapa seksi yang turut membantu terlaksananya pesta ini dengan baik. Harapan bersama pada saat perayaan Natal maka jemaat ini akan memiliki soundsystem dan Altar yang baru. 

Akhirnya Praeses memberikan bimbingan Pastoral dan ditutup dengan doa, oleh Pdt. Sabar Siagian, S.Th. Terpujilah Tuhan, terpujilah Dia.

PHD INA HKBP MARGOYOSO KAMIS 19 NOV 2015

Marsitutu Pajumpang dohot Jesus

Lukas 7 : 44 - 46

1. Ndang sian roha parbagasan ianggo si Simon manggokhon Jesus tu bagasna. Alai sangkap ni ibana asa tama idaon ni halak, Jesus toko fenomenal di tingki i boi bongot tu bagasna. Godang do jolma songon si Simon on, sai hira na tama idaon ni jolma hape ndang sian rohana. Boha muse do nglu ni parhuriaonta ate? Tagamon dope adong na tama idaon? Dibagasan kepalsuan, jangan ada dusta diantara kita. 
2. Ndang mambahen sada haimbaruon di pamingkirion ni si Simon parjumpaanna dohot Jesus di bagasna. Hira sada hasomalan sambing do i didok rohana. Sotung do songoni ngolu ni parhuriaonta ate, sai hira hasomalan na biasa do parjumpaanta na di bagas joro i. Marasing do dohot parompuan na mardosa i, diargahon ibana do parjumpaan i marhite panolsolion ni diri dohot na gabe patutoruhon roha ibana di saluhut angka hahuranganna. Gabe jumpang ma haimbaruon di nglu ni parompuan i. Ndang tagamon so mardosa hita, alau boha do ate diparjumpaanta marhite huriana? Manghorhon haimbaruon do i di hita? Taargahon do parjumpaan i songon mangarimangi hadosaonta? Gabe manghorhon parjumpaanta tu hamubaon jala tu bagasan toruk ni roha? Si tiruonta do ngolu ni parompuan pardosa on. 
3. Tarida do di ngolu ni si Simon on gabe hira pangambat do diparjumpaan ni halak tu Jesus. Diambat jala sungkun2 do rohana na so tama parompuan na mardosa i ro tu Jesus. Nda ingkon tu Dokter do nian angka namarsahit? Songoni ma nang hita na mardosa na marsahit partondion tu Jesus ma. No other name, ndang adong na asing. Ta argahon ma parjumpaanta dohot Jesus. Marsitutu ma hita di ganup parjumpaanta dohot Jesus. 

Diskusi: 

1. Angka dia ma na boi ongkuhononta di ngoluon songon dalan parjumpaanta dohot Jesus? 

2. Boha, biasa-biasa saja do hita di parjumpaan i? Manang na adong do hinauli panghorhonna dibagasan ngolunta. 

Amen.

Renungahn Harian 19 Nov. 2015
Mateus 5 : 45, Asa tung gabe anak ni Amamuna na di banua ginjang i hamu: Ai dipabinsar do mata ni ariNa tu angka parroha na jahat nang tu na bonar, diparo do udan tu parroha na tigor nang tu na geduk.

Naeng do tandi pangalaho ni halak Kristen di portibion. Jala boi ma nian gabe pasupasu tu na humaliang. Ala hasingkopon ngolu ni jolma ndada sian na mananda ise do hita, alai sadia dao do hita magodang dibagasan Ibana.
Molo tajaha ayat on, tontu sian hata parjolo pe nunga patuduhon na so tarsirang be ayat on sian ayat na diginjangna. Manghaholongi musu, jala mansoadahon diri asa i do patuduhon na tung anak ni Debata hita. Ai molo lam tarimangi ianggo ngolu ni portibion dos do diadopan ni Debata. Ai ro do ibana tu saluhut halak marhite huasona, marhite na tinompana, nang narhite anakNa. Na gabe persoalan na godang do na so manjangkon. Tubu do roha na jahat, adong do parroha na geduk (on ma musu ni hakristenonta).
Na rap mangolu do hita dohot angka musu i, jala boi ra dohonon si sada parsaoran do hita. Ai nunga godang hakristenonta gabe holan sipaula. Ndang mangarimangi ujung ni ngolu dung mate. Godang na mangongkuhon na anak ni Debata, alai pangalahona ndang pataridahon na anak ni Debata.
Tasoadahon ma dirinta, ndada na ro sian portibion hita alai na sian Debata do sitompa saluhut. Saguru di Ibana do ngolunta! Tahaholongi ma donganta asa laos i dalan patandahon Jesus tu nasida. Ai marhite sian na manghaholongi saluhut portibion hita gabe anak ni Debata ma hita.

Dirgahayu 154 Tahun HKBP

Sederhana tetapi bermakna keceriaan Minggu keuarga 11 Oktober 2015 di HKBP Margoyoso. Seusai kebaktian Minggu, sukacita sekaligus bersyukur atas Ulang Tahun HKBP ke 154 th, dimana HKBP yang lahir pada tanggal 7 Oktober 1861, membawa masyarakat batak kepada terang sesungguhnya, yaitu Yesus Kristus sang Raja Gereja.
Perayaan sederhana tetapi bermakna diadakan di HKBP Maargoyoso ressort Bangko. Perayaan ini ditandai dengan pemotongan kue. Dimana yang memotong kue adalah seorang Sintua Pensiunan di gereja ini : St. T. Sianturi yang sekaligus dibagikan kepada semua parhalado dan dikanjutkan kepada para jemaat. Setelah pemotongan kue maka dilanjutkan dengan doa yang dibawakan pimpinan jemaat. Semakin tua hendaknya juga iman semakin teguh yang merupakan kerinduan bersama jemaat gereja. Terkhusus keberadaan gereja ini yang tinggal di daerah perantauan yang mayoritas adalah agama Islam. Harapan bersama juga agar ke hari depan pengembangan dan kemajuan dalam pelayanan gereja semakin dirasakan jemaat untuk pembangunan iman. Dirgahayu HKBP, gabe pasupasu ma tu portibion. Horas.

Manguji Blog Naimbaru

Tabe ma amang inang na hinaholongan!
Nian nunga be lewat pkl. 12 borngin on. Tartarik do iba mangihuthon jala manjaha angka barita, tulisan na di posting marhite blog. Niingot nian sai hira naung hea do binahen blog ni iba secara pribadi. Alaigabe so niingot do muse angka password na. Hehehe. Niuji ma borngin on mambahen blog ni huria na hinobasan, anggiat nian boi marguna gabe dalan laho patoguhon haporseaon ni angka namamolus blog on. Jumoli ma mangido maaf molo tung godang angka na hurang singkop dibagasan blog on. Tangiang muna ma amang inang, asa anggiat nian boi continiue pardalanan ni blog on bahen sangap di Tuhan las ni roha di hita. Tabe ni hurianta HKBP Margoyoso ma di hita saluhutna. Tuhan Memberkati.