Renungan Harian Rabu, 25 Nov. 2015

Poda 4 : 7
Parmulaan ni hapistaran, on do: Tuhori hapistaran i, jala tuhorhon sandok na niomom tumuhor pangantusion!

Selamat hari guru! Terpujilah wahai engkau ibu dan bapak guru. Pahlawan tanpa tanda jasa. Sai hira na maralo do ate pandohan ni ende Hymne Guru i tu ayat on ate. Arga ni hapistaran. Jala pola sauluhut angka na niomo ingkon bahenon manuhor hapistaran! Pangarimangion ni Raja Salomo do ayat on ima nanaeng mangondolhon hinaarga ni pangajarion ni natoras. Ai dirajumi ibana do pangajarion ni natoras tarlumobi ma taringot tu Hata ni Debata na mambahen ibana tangkas mananda Debata. Ido umbahen na habisuhon do na dipangido sian Debata. Jala laos di lehon Debata. Arga na i tutu pangajarion ni angka pangajari ate. Ndada boi gabe raja si Salomo molo so mangargahon parsiajaran na manghorhon hapistaran. Ndada gabe Presiden si Jokowi molo so mangargahon hapistaran. Boha do nuaeng ate mangida angka generasi ta na so mangargahon hapistaran?? Tagamon do boi gabe angka ianakhon na berhasil tarlumobi ma di adopan ni Debata?

Saulak nai: SELAMAT HARI GURU